ಬೆಳಗಾವಿ: ಸಿಎಂ ಬೊಮ್ಮಾಯಿ ಇಬ್ಬರಿಗೂ ಸಚಿವ ಸ್ಥಾನ ನೀಡೋ ಭರವಸೆ ನೀಡಿದರಿಂದ ಮಾಜಿ ಸಚಿವ ಕೆ.ಎಸ್.ಈಶ್ವರಪ್ಪ ಮತ್ತು ರಮೇಶ್ ಜಾರಕಿಹೊಳಿ ಕೊನೆಗೂ ಸದನಕ್ಕೆ ಹಾಜರಾಗಿದ್ದಾರೆ. ಈ ಸಂದರ್ಭದಲ್ಲಿ ಸುವರ್ಣಸೌಧ ಬಳಿ ವರದಿಗಾರರೊಂದಿಗೆ ಮಾತನಾಡಿದ ಕೆ.ಎಸ್.ಈಶ್ವರಪ್ಪ..
ಸಿಎಂ ಬೊಮ್ಮಾಯಿ ಮೇಲೆ ನಂಬಿಕೆ ಇಟ್ಟು ನಾನು ಮತ್ತು ರಮೇಶ್ ಜಾರಕಿಹೊಳಿ ಸದನಕ್ಕೆ ಹಾಜರಾಗುತ್ತಿದ್ದೇವೆ ಎಂದು ಹೇಳಿದರು.ಸಚಿವ ಸ್ಥಾನದ ಬಗ್ಗೆ ಸಿಎಂ ಬಳಿ ಮಾತನಾಡಿದ್ದೀವಿ. ರಮೇಶ್ ಮತ್ತು ನನ್ನದು ಈಗಾಗಲೇ ಆಗಿದೆ. ಉಳಿದ 4 ಜನರ ಪಟ್ಟಿ ತೆಗೆದುಕೊಂಡು ಸಿಎಂ ಸೋಮವಾರದ ನಂತರ ಕೇಂದ್ರ ನಾಯಕ ಬಳಿ ಚರ್ಚೆ ನಡೆಸಲಿದ್ದಾರೆ. ಬಳಿಕ ಯಾರಿಗೆ ಸಚಿವ ಸ್ಥಾನ ಸಿಕ್ಕಿದೆ ಎಂದು ಗೊತ್ತಾಗಲಿದೆ ಎಂದಿದ್ದಾರೆ.
ನಾವು ಎರಡು ದಿನ ಸದನವನ್ನ ಬಾಯ್ಕಾಟ್ ಮಾಡಿರುವ ಉದ್ದೇಶ ಏನಂದ್ರೆ ನಮ್ಮಿಬ್ಬರಿಗೂ ಕ್ಲೀನ್ ಚಿಟ್ ಸಿಕ್ಕಾಗಿದೆ. ಆದ್ರೂ ಯಾಕೆ ಕ್ಯಾಬಿನೆಟ್ಗೆ ತೆಗೆದುಕೊಂಡಿಲ್ಲ ಎಂದು ರಾಜ್ಯದ ಜನರು ಪ್ರಶ್ನೆ ಮಾಡ್ತಿದ್ದಾರೆ. ಹೀಗಾಗಿ ನಮ್ಮತ್ರ ಉತ್ತರಿರಲಿಲ್ಲ ಎಂದರು.
ನಾವೇನು ಸಚಿವರಾಗುವುದು ಹೊಸದೇನಲ್ಲ ಈಗ ಉಳಿದಿರುವುದು ೩-೪ ತಿಂಗಳು ಮಾತ್ರ ಇದು ನಮ್ಮ ಪ್ರೆಸ್ಟಿಜ್ ವಿಷಯ ನಾವು ನಮ್ಮ ಕಾರ್ಯಕರ್ತರಿಗೆ ಉತ್ತರ ಕೊಡಬೇಕಾಗುತ್ತೆ ಎಂದು ಹೇಳಿ ಸುವರ್ಣ ಸೌಧದ ಒಳಗೆ ಹೋದರು
