ಬೆಳಗಾವಿ:
ಹಿಡಕಲ್ ಜಲಾಶಯದ 110 kV MUSS ಪ್ರಸರಣ ಮಾರ್ಗ ಹಾಗೂ ಅದಕ್ಕೆ ಸಂಬಂಧಿಸಿದ ವಿದ್ಯುತ್ ವಿತರಣಾ ಕೇಂದ್ರದಲ್ಲಿರುವ 10 MVA 110/33 kV ವಿದ್ಯುತ್ ಪರಿವರ್ತಕದ (transformer) ಮೇಲೆ HESCOM ವತಿಯಿಂದ ಕೈಗೊಳ್ಳಲಾಗುವ ಕಡ್ಡಾಯ ತ್ರೈಮಾಸಿಕ ನಿರ್ವಹಣಾ ಕಾರ್ಯದ ನಿಮಿತ್ತ ವಿದ್ಯುತ್ ಸ್ಥಗಿತಗೊಳಿಸಲಾಗುತ್ತಿದೆ. ಹೀಗಾಗಿ 05/09/2026 ರಿಂದ 06/09/2026 ರವರೆಗೆ ಬೆಳಗಾವಿಯ ವಿವಿಧ ಭಾಗಗಳಲ್ಲಿ ನೀರು ಸರಬರಾಜಿನಲ್ಲಿ ವ್ಯತ್ಯಯ ಉಂಟಾಗಲಿದೆ ಎಂದು ಎಲ್ ಆಂಡ್ ಟಿ ಕಂಪನಿ ತಿಳಿಸಿದೆ.ಈ ಕುರಿತು ಪತ್ರಿಕಾಪ್ರಕಟನೆ ಹೊರಡಿಸಿರುವ ಕಂಪನಿಯ ಜನರಲ್ ಮ್ಯಾನೇಜರ್ ದಿನಾಂಕ 5 ಮತ್ತು 6 ರಂದು ಬೆಳಗಾವಿಯ ವಿವಿಧ ಕಡೆಗಳಲ್ಲಿ ನೀರು ಸರಬರಾಜಿನಲ್ಲಿ ವ್ಯತಯ ಉಂಟಾಗಲಿದೆ ಎಂದು ತಿಳಿಸಿದ್ದಾರೆ.ಈ ಅವಧಿಯಲ್ಲಿ ಈ ಕೆಳಗಿನ ಪ್ರದೇಶಗಳಲ್ಲಿ ನೀರು ಸರಬರಾಜಿಗೆ ಅಡಚಣೆಯಾಗಲಿದ್ದು, ಪರಿಣಾಮವಾಗಿ ನಿಗದಿತ ಸರಬರಾಜು ವೇಳಾಪಟ್ಟಿಯಲ್ಲಿ 2 ದಿನಗಳ ವಿಳಂಬವಾಗಲಿದೆ.
ಇನ್ನು ನೀರು ಸರಬರಾಜು ವ್ಯತ್ಯಯವಾಗುವ ಪ್ರದೇಶಗಳು ಇಂತಿವೆ.
ಬೆಳಗಾವಿ ಉತ್ತರ ಮತ್ತು ಬೆಳಗಾವಿ ದಕ್ಷಿಣ ಸಂಪೂರ್ಣ ಪ್ರದೇಶಗಳು ಸೇರಿದಂತೆ (ಉತ್ತರ ಮತ್ತು ದಕ್ಷಿಣ ಡೆಮೊ ವಲಯಗಳು ಹಾಗೂ ಬಲ್ಕ್ ಸಪ್ಲೈ ಪ್ರದೇಶಗಳಲ್ಲಿ ನೀರು ಸರಬರಾಜಿನಲ್ಲಿ ವ್ಯತ್ಯಯ
ಉಂಟಾಗಲಿದೆ
